禍不單行

"真係禍不單行" 係今日放工一位同事比我最後既說話......

今日係老人院社工同一位院友打乒乓球執波既時候，
竟然趺親入佐急症室，醫生話佢骨裂，仲打埋石膏，
睇黎佢今次既工傷假期真係有排放，
大家關心佢之餘，都鄧我慘，因為成個部門又要我一個人去頂住啦!
估唔到lee位好好人既社工，只係黎佐幾個月，比我過佐一陣好日子.....
唉! d 同事個個都話我辛苦命，有位基督徒同事同我講，神真係要訓練我完全依靠佢，比我知道係地上別無依靠.....
其實我一早就知道lee個道埋，所以從來都無好天真甘諗過有人可以依賴， 辛苦都係預佐。不過有時真係唔明神點解甘睇得起我?
可能我就係一個對自己要求好高既人，曾經好多次求神比我學習無條件既愛，好希望生命可以榮耀神......
於是係家庭、工作、事奉都要學習無條件既付出......
點解有d基督徒日子會過得咁舒服，甘順利?
有時會諗，究竟我係追求天上既賞賜定係地上既讚賞?
坦白講，地上既讚賞對我又有咩用?
突然間諗起，上星期睇"舒特拉的名單" 最令我感動既片段......
舒特拉最初係好有私心去幫助個d猶太人，但係到最後就係一份愛，一份憐憫，佢竟然付出佢既一切(金錢、地位....)去救一班猶太人......
最後一幕，好感動，我老公睇到喊，舒特拉雖然咩都無晒，但係臨走時喊住講，點解自己唔賣埋隻表同架車，因為可以去救更多既猶太人?
神就係甘奇妙.....改變本來有私心既生命去拯救佢既子民.....

盼望有一日身邊一d被壓制既生命可以相信耶穌，找到生命既真正意義。
lee個曾經係我今年生日既願望.......