單身快樂

係伯神成日撞到人，星期二竟然見返20幾年前既教友，佢一見到我就話岩岩同另外一位姊妹講開我，話好耐無見，希望可以約出黎食飯，竟然今晚就見到我，哈哈哈哈.......

真係好奇妙，lee 位弟兄大我好多，係當年教會既鑽石黃老伍，靚仔、有錢、有風度、唱歌仲好好聽，當年佢仲係一隊好出名既福音組合的男主音.......哈哈，咁好條件梗係好多女仔擁戴LA，不過聽說佢有好多女性朋友，但係都係朋友，今日佢仲係單身。男人竟然受得住誘惑?哈哈.....

今日見到既佢同20年前無分別，依然一表人才，我即刻讚佢，點解個樣可以保養得咁好?

我諗好大可能係心境開朗，無牽掛，見到佢令我有好多啟發。

其實真係唔一定要結婚、唔一定有家庭既人先算係完美，單身都係一種福氣，最重要係有正常社交，保持心境開朗，有自我肯定的價值，培養獨立既性格，一個人都可以活得快樂充實。

朋友，何必自尋煩惱，享受上帝給你的時光，開開心心迎接每一天吧!