星期四晞晞同我約埋小組阿may、ronnie、tracy 兩個家庭既小朋友去佐海洋公園。
一去到就見到人山人海，比我自己就一定會調頭走，但係為佐我地既心肝寶貝，都要入去迫下啦…..
入到去最開心就係即刻食野，我地各人都整佐d食物，大人細佬一齊分享，真係好開心，
唔講你唔知，我地之前無夾定會整野食架! 我d食物仲要由穗禾苑拎到海洋公園，
不過見到大家食得甘開心我都覺得值得…..
跟住我地就開始我地既行程啦，好彩tracy 夠細心一早book晒d表演，
仲有d係貴賓位添，如果唔係都唔知點算，又大又細甘…
其他時間就係去坐下火車、木馬、兒童王國玩捉迷, d細佬一樣咁開心，
佩服8歲既METHEW 佢唔怕同D細佢咁多既小朋友一齊玩, 而且好投入, 真係有愛心…..
玩完小朋友遊戲，大家都想玩下滑浪飛船、飄雪樂圜、點知全部都要排隊一小時以上，真係好掃興...
結果, 我地決定盡快趕返入口玩高卡車，真係好趕因為今晚我要趕返沙田男童院，今晚仲係我負責, 所以唔可以遲到…..
晞晞聽到玩高卡車好開心，車係佢既至愛…幾個細佬一支甘跑到高卡車買飛既地方，一問之下職員話要等90分鐘，嘩! 又要等, 望下個鐘已經6:00, 7:30前要返到沙田一定趕唔到，唯有解釋比佢知媽咪趕住上男童院，所以下次先可以坐，佢好唔開心，但係我再同佢解釋，應承佢可以扭個thomas蛋，佢就無事啦!
於是好順利甘7:15我地就準時到沙田,
去到沙田見到爸爸仲玩佐一陣，跟住工人仲同佢食佐個開心樂園餐，晞晞已經好滿足好快樂!
晚上我們又上到男童院，與一班少年人一起分享、唱詩、感覺很溫暖，深深相信天父很愛他們，天父正盼望他們歸家……
上完男童院返到屋企，晞晞緊係未訓啦，因為佢要等我地返黎傾下計, 講下故事，
佢見到我仲好關心咁問我，「媽媽, 頭先上男童院點呀?」
我即刻擁抱佢，同佢講多謝佢今日肯唔玩高卡車，陪媽媽趕返沙田，令我地可以準時男童院探d哥哥，我一路讚佢一路錫佢....
跟住慣常訓前會講兩個伊索寓言故事比佢聽，佢問佐條問題，"點解神要造d好似毒蛇咁衰既動物? "心諗lee個問題一定唔可以亂答, hold 住先, 問下高人再答佢...
不過心裡好感恩，因為晞晞真係大個仔啦!!!
感謝天父，賜給一個很愛我們的兒子，小小年紀的他很懂事，加上天生獨立，容易滿足的性格，很多事情也不用我們操心……孩子更時常與我們一起為有需要的人禱告。這一切也是神的恩典……
“你們要先求祂的國和他的義，這些東西都要加給你們了!” 太6:33
No comments:
Post a Comment